近年 Fisherman Lok（費沙汶．洛）將 NBA 拋諸腦後，醉心於時裝，創立品牌 Madness，不過琴晚洛囝就喺大陸引起風波。
事源 Madness 官網將香港、台灣同澳門列為「國家」，將台灣地區列做「海外」，引起中國共青團強烈不滿，仲發微博點名譴責洛囝！
洛囝即時淆青，漏夜更改 Madness 網頁，仲發微博道歉：「我作為MADNESS的主理人，對於公司品牌監管不力，出現這麼大的錯誤和誤會，我難辭其咎，也感到非常抱歉。」
佢亦向大陸網民保證：「日後工作中絕不容許此類錯誤再次發生！」但似乎佢地唔賣賬，洛囝最終難逃大陸網民炮轟。
洛囝今鋪會點處理呢？不過點都好，Lokers 主場嘅大門永遠都為你而開，隨時番美國坐吓啦！
（圖片授權：東星）
Search